Tanınmış rusiyalı balerina Anastasiya Voloçkovanın Taylandda yeni il tətili davam edir.
ANS PRESS-in məlumatına görə, bu dəfə Voloçkova Tayland gecə klubunda transvestitlərlə rəqs edib.
“Bangla Road” barına gələn məşhur balerina burada öz məharətini göstərib. Voloçkova iki transvestitlə birlikdə kiçik səhnəyə qalxaraq tamaşaçılara öz məşhur “şpaqat”ını nümayiş etdirib. Aktrisa daha sonra "qızlarla" selfi çəkdirməyi də unutmayıb. Voloçkova bu şəkilləri İnstaqram hesabında yaymağıda yaddan çıxarmayıb.
Qeyd edək ki, Anastasiya Voloçkova ilə azərbaycanlı biznesmen Bəxtiyar Səlimov arasında eşq macərası yaşanıb. Onların məhəbbət romanı düz 2 il davam edib. Bu qış balerina sevgilisindən ayrılmaq qərarına gəlib. O, bunu Bəxtiyar Səlimovun Moskvaya gec-gec gəlməsilə əlaqələndirib.
Xatırladaq ki, 46 yaşlı iş adamı Bəxtiyar Səlimov Bakıda anadan olub.
