Bu gün “Səni axtarıram” verilişinin aparıcısı Xoşqədəm Hidayətqızının doğum günüdür. Lent.az-ın məlumatına görə, aparıcı bildirib ki, o, hər il yanvarın 13-də ağlayır: “Mən 24 ildir ki, ad günümü doğma yurdumda qarşılamaq arzusu ilə yaşayıram. Bu günə kimi ziyarət etdiyim müqəddəs torpaqlarda, müqəddəs məkanlarda da diləyim bu olub. Bu illər ərzində yanvarın 13-də hər zaman ağlamışam. Kaş bu dəqiqə düşmənin yandırdığı o evimizin həyətində dayanıb, Murov dağına baxa biləydim. Mənim üçün ən dəyərli hədiyyə bu olardı. Bu günün olacağı arzusuyla dünən gecədən məni təbrik edən hər kəsə minnətdaram. O gün olsun təbrik mesajlarınızı doğulduğum gözəl Narınclarımda alım”.
X.Hidayətqızı Ağdərənin Narışlar kəndində anadan olub. O, 1991-ci ildə Naxçıvan Dövlət Universitetinin tarix fakültəsinə daxil olub. 1993-cü ildən ailə vəziyyəti ilə əlaqədar olaraq təhsilini Bakı Dövlət Pedaqoji Universitetində davam etdirib. Sonradan Bakı Dövlət Universitetinin hüquq fakültəsini bitirib. 2005-ci ildə isə Azərbaycan Prezidentinin sərəncamı ilə mətbuatın inkişafındakı xidmətlərinə görə "Tərəqqi" medalı ilə təltif olunub. Ötən il türkiyəli müğənni ilə ailə quran aparıcının ilk evliliyindən Zaur adlı oğlu var.