Əlilliyi olan şəxslər 26 minə yaxın reabilitasiya vasitəsi və protez-ortopedik məmulatla təmin edilib

Əlilliyi olan şəxslər 26 minə yaxın reabilitasiya vasitəsi və protez-ortopedik məmulatla təmin edilib
10:38 13 Yanvar 2015
157 Sosial
Ölkə mətbuatı
A- A+

Azərbaycan, Bakı, 13 yanvar /Trend/

Azərbaycan Respublikasının Əmək və Əhalinin Sosial Müdafiəsi Nazirliyinin (ƏƏSMN) Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi tərəfindən ötən il əlilliyi olan şəxslər 25899,5 reabilitasiya vasitəsi və protez-ortopedik məmulatla təmin olunub.

ƏƏSMN-dən Trend-ə verilən məlumata görə, belə ki, hesabat dövründə qeyd olunan şəxslərin 1051 ədəd aşağı ətraf, 173 ədəd yuxarı ətraf və 300 ədəd döş protezləri, 968 ədəd aşağı ətraf tutoru, 368 ədəd ortez-korset, 2261,5 cüt ortopedik ayaqqabı, 18497 ədəd yardımçı məmulat və s. ilə təminatı həyata keçirilib. Həmçinin 577 ədəd əlil arabası, 519 ədəd eşitmə aparatı əlilliyi olan şəxslərə təqdim olunub. Eyni zamanda, 886 reabilitasiya vasitəsi və protez-ortopedik məmulat təmir edilərək yenidən əlilliyi olan şəxslərin istifadəsinə verilib.

Bu dövrdə mərkəzin və onun Gəncə şəhərindəki filialının mürəkkəb protezləşdirmə stasionarlarında 707 nəfər əlilliyi olan şəxsə müvafiq xidmətlər göstərilib. 2013-cü ilin dekabr ayında ƏƏSMN-nin müvafiq Əmrinə əsasən yaradılmış səyyar tibbi-texniki briqadalar tərəfindən ötən müddətdə 51 rayon üzrə 1564 nəfər əlilliyi olan şəxs səyyar formada protez-ortopedik bərpa xidməti ilə təmin olunub.

Məqalə müəllifi ilə əlaqə ünvanı: agency@trend.az


Xəbərin orijinal ünvanı: http://az.trend.az/azerbaijan/society/2352491.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR