Bakı. Aqşin Rafiqoğlu – APA-Economics. 2014-cü ildə Azərbaycanda istehlak məqsədilə pərakəndə ticarət subyektlərində istehlakçılara 22,0 mlrd. manatlıq və ya 2013-cü illə müqayisədə 10% çox əmtəə satılıb.
“APA-Economics”in Dövlət Statistika Komitəsinə istinadən verdiyi məlumata görə, satılmış istehlak mallarının 50,1%-ni ərzaq məhsulları, içkilər və tütün məmulatları, 49,9%-ni qeyri-ərzaq malları təşkil edib və qeyri-ərzaq mallarının xüsusi çəkisi 2013- cü il ilə müqayisədə 3,3% bəndi artıb.
2014-cü ildə elektron pərakəndə ticarət dövriyyəsinin həcmi 2013-cü ilə nisbətən 2,4 dəfə artaraq 6,4 mln. manat təşkil edib. Əhali onlayn rejimində sifariş verdikləri istehlak mallarının 91,3%-ni hüquqi şəxslərin, 8,7%-ni fərdi sahibkarların ticarət şəbəkələrindən alıb.
Elektron ticarət dövriyyəsinin 94,6%-ni qeyri-ərzaq malları təşkil edib.