Ermənistanın müdafiə naziri Seyran Ohanyan Gümrüdə Rusiya müdafiə nazirinin müavini, briqada generalı Arkadi Baxin ilə görüşüb.
Görüşdə yanvarın 12-də Gümrüdə baş verən faciə ilə bağlı müzakirə aparılıb.
ANS PRESS-in məlumatına görə, bu barədə Ermənistan Müdafiə Nazirliyinin mətbuat katibi Artsrun Ovannisyan bildirib.
O deyib ki, görüşün təfərrüatları haqqında məlumat sonra veriləcək.
Xatırladaq ki, ötən gün səhər Gümrü şəhərinin Myasnikyan küçəsində yaşayan Avetisyanov ailəsinin 6 üzvü odlu silahdan öldürülüb. Cinayəti törədən Rusiyanın 102-ci hərbi bazasının əsgəri Valeri Permyakov Ermənistan-Türkiyə sərhədində Bayandur kəndi ərazisində Rusiya sərhədçiləri tərəfindən yaxalanıb.