Qadın voleybolçular arasında CEV Kubokunda 1/4 final mərhələsinə start verilib.
ANS PRESS-in məlumatına görə, yarışdakı yeganə təmsilçimiz "Lokomotiv" doğma meydanda oynayıb.
Bakı təmsilçisi Krasnodar "Dinamo"sunu qəbul edib. "Lokomotiv" Rusiya Kubokunun sahibinə heç bir şans verməyib - 3:0.
Qeyd edək ki, bu mərhələyədək “Lokomotiv” “Rote Raben”lə (Almaniya) “Srvena Zvezda”nı (Serbiya), “Dinamo” isə “Novara” (İtaliya) və “Hameenlinna”nı (Finlandiya) mübarizədən kənarlaşdırıb.
CEV kuboku
1/4 final
İlk oyun
14 yanvar
Lokomotiv (Azərbaycan) - Dinamo (Rusiya, Krasnodar) 3:0 (25:22; 25:18; 25:22)
Hakimlər: Arnis Kelle (Latviya), Vyaçeslav Prozorov (Moldova).
Bakı, Voleybol Mərkəzi.
