"O səs Türkiyə"də növbəti mərhələ başlayıb.
Axşam.az-ın məlumatına görə, "Birə bir" adlanan turun ilk gecəsində azərbaycanlı müğənni Aygün İsmayılova Miyak səhnəyə çıxıb. Keçən tur komanda yoldaşı Ezgi Delalı dueldə məğlub edən həmyerlimiz bu dəfə Büşra adlı rəqibiylə yarışıb.
Aygün "Skunk Anansie"nin repertuarından "Charlie Big Potato" rok mahnısını solo ifa edib. O, fərqli səsiylə bütün münsiflərin rəğbətini bir daha qazanıb.
Sonda komanda rəhbəri Mazhar Alanson və Özkan cütlüyünün qərarıyla Türkiyədə yaşayan həmyerlimiz növbəti mərhələyə keçib.
Qeyd edək ki, TV8 telekanalında Acun İlicalının aparıcı olduğu proqramın münsiflər heyətində məşhur müğənnilər Ebru Gündeş, Hadisə, Mazhar-Özkan cütlüyü və Gökhan Özoğuz oturur.
