Əməkdar artistlər Rəfael İsgəndərov və Coşqun Rəhimov "Göz Əl" adlı konsertləri ilə bağlı yenilik edib.
Axşam.az saytına açıqlama verən R.İsgəndərov deyib ki, bu dəfə ilk olaraq Naxçıvana yollanacaqlar:
"Fevralın 28-də Heydər Əliyev Sarayında üçgünlük konsertimiz start götürəcək. 5-9 mart tarixlərində isə Bakıda tamaşaçıların qarşısına çıxacağıq".
C.Rəhimov parodiya olunacaq məşhurların adlarını da açıqlayıb:
"Bu dəfə daha çox parodiyalar olacaq. Çünki insanlar bunu bizdən tələb edirlər. Parodiya edəcəyimiz məşhurlar arasında xalq artisti Ağadadaş Ağayev, əməkdar artist Elza Seyidcahan, "Space"də yayımlanan "Sevimli şou"nun aparıcısı Mikayıl Güləddinoğlu var. Bilirəm ki, müğənnilər bu səhnələrə görə bizdən incimirlər. Hətta Elza Seyidcahan demişdi ki, onlar məni parodiya etməyəndə küsürəm".