Azərbaycan, Bakı, 16 yanvar /Trend/
ABŞ-da taksidə təqribən 1 dəqiqə yol gedən sərnişin sürücüyə bəxşiş olaraq 1000 dollara yaxın pul verib.
Trend-in TASS agentliyinə istinadən verdiyi məlumata görə, taksi sürücüsü bloqunda yazıb ki, sərnişin 2 kilometr yol qət etdikdən sonra gediş haqqı olaraq təqribən 4 dollar ödəyib və bəxşiş olaraq 990 dollar verib.
İndi taksi şirkətinin rəhbəri səxavətli sərnişini taparaq təşəkkür etmək istəyir. Bəxşiş olaraq verilən pul taksi sürücüsündə qalıb və o, vəsaiti özünün doğulduğu Qərbi Afrika sakinlərinə dəstək məqsədilə xərcləyəcək.
Məqalə müəllifi ilə əlaqə ünvanı: agency@trend.az
