Roma Papası Hz.Məhəmmədin karikaturası haqda: “İnancla məzələnmək olmaz”

Roma Papası Hz.Məhəmmədin karikaturası haqda: “İnancla məzələnmək olmaz”
23:57 15 Yanvar 2015
240 Dünya
Ölkə mətbuatı
A- A+

“İfadə azadlığı insanın fundamental hüquqlarındandır. Amma bu azadlığın da sərhədləri var. Hər bir dinin öz şərəf və ləqayəti var. Heç kəs inanclarla məzələnməməlidir”.
 
Milli.Az "Azadlıq" radiosuna istinadən bildirir ki, Roma Papası Francis bunu Parisdə terrora məruz qalmış “Charlie Hebdo” satirik dərgisi haqda sualı cavablandırarkən deyib.
 
Məhəmməd peyğəmbərin karikaturasını çap etmiş dərgiyə hücum edən radikal islamçılar 12 nəfəri öldürüblər.
 
Filippindən Şri Lankaya uçan Papa onun səfərlərinin təşkilartçısı olan Alberto Gasparri-yə işarə edərək deyib:
 
“Əgər əziz dostum Dr. Gasparri mənim anamı söysə, gərək məndən zərbə gözləsin. Bu normaldır. Heç kəs təhrikedici hərəkət etməməlidir. Sən başqalarının inancını təhqir etməməlisən”.
 
Papanın fikrincə, ifadə azadlığı ictimai maraqların nəzərə alınması məsuliyyətindən ayrı götürülməməlidir.
 
“Charlie Hebdo” dərgisi isə hesab edir ki, insanın peyğəmbərlərə ironik yanaşmaq haqqı var. Jurnal yeni sayının üz qabığında da Məhəmməd peyğəmbərin karikaturasını çap edib.

Milli.Az
 


Xəbərin orijinal ünvanı: http://news.milli.az/world/51459.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR