Ucar. Zahid Abışov - APA. Ucar rayonunda oğurluq edən şəxs saxlanılıb.
Rayon Polis Şöbəsindən APA-nın yerli bürosuna verilən məlumata görə, Ucar şəhər sakini, Tofiq İsmayılov küçəsində yaşayan 22 yaşlı Əli Rəhimovun evlərdən oğurluq etdiyi məlum olub. Saxlanılan Ə. Rəhimov ilkin dindirmə zamanı bir neçə evdən qızıl- zinət əşyaları, fotoaparat, mobil telefon və video kamera oğurladığını etiraf edib.
Faktla bağlı rayon Polis Şöbəsində cinayət işi başlanılaraq istintaq aparılır. Saxlanılan şəxsin başqa cinayətlərdə iştirakı olub-olmadığı araşdırılır.