“İstəyirəm qızım Bakının ən gözəl yerlərini görsün, yaddaşında saxlasın. İstanbula qayıdanda hamıya bu haqda danışsın. Onu görməli yerlərdə gəzdirirəm”.
Axşam.az-ın məlumatına görə, bu sözləri “Gün üzü” verilişinin qonağı olan müğənni İradə İbrahimova deyib.
O, qızı İpəyi də özü ilə birlikdə Bakıya gətirməsinin səbəbini açıqlayıb:
“İpək 4 yaş 2 aylıqdır. İndi gördükləri onun yaddaşına həkk olunacaq. Bura gələndə onu İstanbulda nənəsinin yanında qoya bilərdim. Amma bura qızımın vətənidir. İstədim tanısın, görsün, vətən havası udsun. Ona Bakı ilə bağlı gözəl söhbətlər danışıram, gəzməli yerləri göstərirəm. Hətta qızıma milli rəqslərimizi də öyrədirəm”.