“Günaydın” verilişinin aparıcısı Vüsalə Kərimova yenidən telekanaldakı işinə qayıdıb.
Axşam.az xəbər verir ki, teleaparıcı bunun "Space" rəhbərliyinin istəyilə baş tutduğunu deyib:
"Onlar məsləhət gördülər ki, verilişin aparıcısı yenidən mən olum. Onsuz məndən sonra növbəti bölümlər yayımlanmamışdı. Əvvəlki efirlər təkrar verilirdi. Bu qayıdışım Mehriban Xanlarova ilə münasibətimizə təsir etməyəcək. Onun xətrini çox istəyirəm".
Vüsalə həmçinin bu addımın verilişin piarı üçün atıldığı haqda iddalara cavab verib:
"Hər insanın - aparıcının, müğənninin piara ehtiyacı var. Hər şayiədə bir həqiqət mövcuddur. Amma həqiqətən bunun piar olub-olmadığını bilmirəm. Məni yenidən çağırdılar və öz növbəmdə təklifi qəbul etdim”.
Qeyd edək ki, V.Kərimovanın gedişindən sonra verilişin aparıcılığı əməkdar artist Mehriban Xanlarovaya həvalə edilmişdi.
