Müğənni Lətifə Soyuöz ana olduqdan sonra fasilə verdiyi sənətinə qayıdıb.
Axşam.az-ın məlumatına görə, “Gündəlik” verilişinin qonağı olan ifaçı ailəsindən, həyat yoldaşı ilə münasibətlərindən danışıb:
“Müğənnilik fəaliyyətim ailəmə mane olmur. Beş ildir ailə qurmuşuq. Üç il həyat yoldaşımla nişanlı qalmışam. Universitetdə oxuduğum üçün toyu gec etdik. Həyat yoldaşım sənətdə mənə dəstək olur. Bizim evdə kişinin sözü keçir. Mübahisəmiz olmur, hər şeyə ortaq qərar veririk. Bizə nə xoşdur, onu edirik”.
Qeyd edək ki, L.Soyuöz türkiyəli iş adamı Dəniz Soyuözlə ailəlidir.
