Ermənistan prezidenti Serj Sarkisyan Türkiyənin prezidenti Rəcəb Tayyib Ərdoğanın aprelin 24-də Çanaqqala qələbəsinin 100 illiyini qeyd edilməsi münasibətilə təşkil olunacaq bayram tədbirlərində iştirak etmək üçün dəvətini rədd edib.
APA-nın “Novosti Armeniya”-ya istinadən verdiyi məlumata görə, bu barədə S.Sarkisyanın mətbuat xidməti bildirib.
Yanvarın 15-də Rəcəb Tayyib Ərdoğan Azərbaycan prezidenti ilə birgə keçirdiyi mətbuat konfransında Çanaqqala döyüşündə qazanılmış qələbənin 100 illiyinin qeyd ediləcəyini bildirmişdi. Bununla bağlı, aprelin 24-də Türkiyəyə bir sıra ölkələrin dövlət başçıları dəvət ediləcək. Həmçinin, həmin gün Ermənistanda qondarma “erməni soyqırımı"nın 100 illiyini qeyd ediləcək.