[ 17 Yanvar 2015 02:06 ]
Bakı-APA. Nigeriyanın Qombe şəhərində terror aktı nəticəsində 6 nəfər ölüb, 10 nəfər xəsarət alıb.
APA-nın Reuters agentliyinə istinadən verdiyi xəbərə görə, bazarda baş verən partlayış terrorçu- kamikadze tərəfindən törədilib.
Hadisəyə görə məsuliyyəti hələlik heç kim öz üzərinə götürməsə də, partlayışı “Boko Haram” terror təşkilatının üzvlərinin törətdiyi ehtimal olunur.
Qeyd edək ki, bundan əvvəl Nigeriyanın şimal-şərq bölgəsində baş vermiş terror aktı nəticəsində azı 20 nəfər həlak olmuşdu.
