Bakı, 17 yanvar, AzərTAc
Niderland 2019-cu ildə ikinci Avropa Oyunlarını keçirməyə hazır olduğunu bildirib.
AzərTAc Niderland Olimpiya Komitəsinin (NOC NSF) rəsmi saytına istinadla xəbər verir ki, artıq bununla bağlı Avropa Olimpiya Komitəsinin Şurasına məlumat verilib.
NOC NSF-nin sədri Andre Bolius deyib: İkinci Avropa Oyunlarını Niderlandda keçirmək yaxşı olardı. Biz belə böyük idman tədbirinin təşkil olunmasına hazırıq.
Qeyd edək ki, birinci Avropa Oyunları 2015-ci ilin iyununda Bakıda keçiriləcək.
