Azərbaycan, Bakı, 17 yanvar /Trend, müxbir İlkin İzzət/
Silahlı Qüvvələrimizin nümayəndələri beynəlxalq tədbirlərdə iştirak edəcəklər.
Müdafiə Nazirliyinin mətbuat xidmətindən Trend-ə bildiriblər ki, yanvarın 19-dan 23-dək Almaniyanın Hohenfels şəhərində "Combined Resolve-4" təliminin əsas planlaşdırma konfransı, yanvarın 19-dan 30-dək Rumıniyanın paytaxtı Buxarest şəhərində “Təhlükəsizlik siyasəti və Avropaya inteqrasiya” üzrə ixtisasartırma kursu, yanvarın 19-dan fevralın 13-dək Böyük Britaniyanın Kollinqvud şəhərində zabitlər üçün “Eksklüziv iqtisadi zonanın mühafizəsi” kursu keçiriləcək.
Hər üç tədbirdə Azərbaycan Respublikası Silahlı Qüvvələrinin nümayəndələri iştirak edəcəklər.
Məqalə müəllifi ilə əlaqə ünvanı: agency@trend.az