Regional TV (Region TV) xəbər verir ki, bu gün Azərbaycanın “Baku Fires” klubu Ümumdünya Boks Seriyasının (WSB) yeni mövsümünün ilk görüşündə İtaliyanın “İtalia Thunder” kollektivi ilə qarşılaşır. Quba Olimpiya Kompleksində keçirilən görüşə bu gün saat 19:00-da start veriləcək.
Komandaların heyətləri:
“Baku Fires” – “İtalia Thunder”
49 kq. Məhəmməd İbiyev – Patrik Barns
56 kq. Məhəmməd Qurbanov – Maykl Konlan
64 kq. Heybətulla Hacəliyev – Vinçenzo Mangiakapre
75 kq. Nikolay Veselov – Salvatore Kavallaro
91 kq. Əbdülqədir Abdullayev – Fabio Turçi
Ümumdünya Boks Seriyasının V mövsümündə 16 komanda iki qrupda mübarizə aparacaq. Azərbaycan komandası B qrupunda “İtalia Thunder”lə yanaşı, “Astana Arlans”, “Argentina Condors”, “Caciques Venezuela”, “Puerto Rico Hurricanes”, “Rafako Hussars Poland” və USA Knockouts klubları ilə gücünü sınayacaq.
Cari çempionatda mübarizənin gərgin keçəcəyinə dəlalət edən səbəblərdən biri də Olimpiya oyunlarına lisenziyaların verilməsidir. WSB liqasında uğurlu çıxış edən 17 boksçu mövsümün sonunda Braziliyada keçiriləcək Olimpiya oyunlarına vəsiqə qazanacaq.
“Baku Fires” ötən mövsüm Ümumdünya Boks Seriyasında yalnız finalda “Cuba Domaderos” klubuna uduzaraq, 2-ci yerə layiq görülüb.
Milli.Az
