Azərbaycan, Bakı, 17 yanvar /Trend, müxbir İlkin İzzət/
Qaradağ rayonunda baş verən yol-nəqliyyat hadisəsi nəticəsində bir nəfər ölüb, 2 nəfər yaralanıb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, yanvarın 16-da saat 02 radələrində Qaradağ rayonunun Ələt qəsəbəsində Xocavənd rayon sakini Zöhrab Balakişiyevin idarə etdiyi “VAZ-2107”, Şirvan şəhər sakini Anar Əmənovun idarə etdiyi “KamAZ-5320” və Sabirabad rayon sakini Əsgər Hacıyevin idarə etdiyi “VAZ-2107” markalı avtomobillər toqquşmuşdur. Z.Balakişiyevin sərnişinlərindən - yeni doğulmuş qızı hadisə yerində ölmüş, digər sərnişinləri - arvadı Aliyə və qayınanası Dilşad Bəhramova xəstəxanaya yerləşdirilmişlər.
BDYPİ tərəfindən araşdırma aparılır.
Məqalə müəllifi ilə əlaqə ünvanı: agency@trend.az
