Əməkdar artist Sənubər İsgəndərli adət-ənənlərə sadiq olduğunu deyib.
Axşam.az-ın məlumatına görə, “İncə maraqlar” verilişinə qonaq olan aktrisa hər zaman düşünüb addım atdığını bildirib:
“Abır-həya nəzakətin bir qolu, əxlaq normasıdır. Biz cəmiyyətə bağlıyıq. Hər zaman nəsə addım atanda cəmiyyətin nə reaksiya verəcəyini düşünürük. Hər kəsin içində bir “sayğac”ı var. Mən də o sayğaca uyğun davranıram. Özümə qoyduğum qaydalardan bezsəm də, bezməsəm də cəmiyyətin normalarına uyğun davranmalıyam. Zadəganlıq, mədəniyyət insanın qanında olmalıdır. Onun üçün rola girmək lazım deyil. Əxlaqı, zövqü düzəltmək, görüb-götürmək olar, amma insan mədəniyyətini yox”.
