Azərbaycan, Bakı, 18 yanvar /Trend, müxbir Emil İsmayılov/
Ələtdə yeni beynəlxalq dəniz ticarət limanının quru yük terminalının 2016-cı ilin birinci yarısında istismara verilməsi planlaşdırılır. Bu barədə Trend-ə layihəyə yaxın mənbə məlumat verib.
Onun sözlərinə görə, ötən il limanın bərə terminalı istismara verilib və o, artıq işləyir. “Limanın tikintisi davam edir və proqnozlara görə, 2016-cı ilin birinci yarısında onun istismara verilməsi planlaşdırılır”.
Bununla yanaşı, mənbə qeyd edib ki, quru yük limanının işə salınacağı dəqiq tarix barədə danışmaq hələ tezdir.
Məqalə müəllifi ilə əlaqə ünvanı: agency@trend.az