Aktual mövzular: Dollar alış-satışı , Hava haqqında, Məzənnə, Neftin qiyməti

Fəxriyyə Xələfova yeni ətrini təqdim etdi - fotolar

Fəxriyyə Xələfova yeni ətrini təqdim etdi - fotolar

Date: 18 January 2015 13:21

Modelyer Fəxriyyə Xələfova “Nuray” ətir kolleksiyasına daxil olan növbəti seriyanı təqdim edib.
 
Axşam.az-ın məlumatına görə, modelyer yeni parfümün həm qablaşdırmasının, həm də qoxusunun digərlərindən fərqləndiyini deyib.

F.Xələfova ətirlərlə bağlı sirrlərini də bölüşüb:

“Yeni seriyaların qablaşdırılmasında ürək simvolunu saxlamışam. Bu simvol mənə uğur gətirir. Ümumiyyətlə, ətir sahəsində qazandığım uğurun sirlərindən biri də “Nuray” adıdır. Ətirlərdə insana gümrahlıq, şən əhval-ruhiyyə bəxş edən qoxulardan istifadə edirəm. Ətirin üç versiyası var: mavi, çəhrayı və yaşıl. Onlar arasında özüm ən çox mavi rəngdə olandan istifadə edirəm. İyləri seçmək xüsusi prosesdir. O zaman çox soyuq məkan olmalıdır. Mən iyləri yalnız qışda seçirəm. Hətta qar yağanda sevinirəm. Bütün günüm eyvanda keçir, qoxular seçirəm. Ən xoş olan iy üzərində qərarlaşıram. Çox qalıcı ətirlər insana xoş təsir bağışlamır. Gün ərzində üç fərqli ətirdən istifadə olunmalıdır ki, insan yorulmasın. Buna görə də mənim istehsal etdiyim ətir üç fərqli qoxudadır”.

F.Xələfova “Nuray” ətir kolleksiyasına bundan sonra yeni seriyalar da daxil edəcəyini bildirib.

Mərasimə qatılanlar arasında sənət aləminin tanınmış simaları və aparıcılar olub.

Zəhra ƏHMƏDOVA
Foto: Rəşad ABBASOV

















Tags:  Fəxriyyə Xələfova yeni ətrini təqdim etdi fotolar

RƏYLƏR


Top news