Dünyanın ən populyar mesajlaşma servisi olan WhatsApp çoxdan gözlənilən funksiyanı işə salmağa hazırlaşır.
ANS PRESS-in məlumatına görə, Facebook tərəfindən 16 milyard dollara satın alınan WhatsApp zəng funksiyasını 2015-ci ildə işə salmağa hazırlaşır. Bu funksiyanın aktivləşdirilməsindən sonra mobil operatorlara zərbə vurulacağı gözlənilir.
Bundan başqa xidmət görüntülü zənglərə Bluetooth qulaqcıqları və mesaj yoluyla cavab vermək də mümkün olacaq.
Qeyd edək ki, WhatsApp bir müddət öncə mavi quş adlı funksiyanı işə salmışdı. Funksiya vasitəsilə göndərilən mesajın digər istifadəçi tərəfindən oxunub-oxunmamasını dərhal bilməyə kömək edirdi.
