Bakının Qaradağ rayonunda vətəndaşa məxsus “VAZ” markalı minik avtomobili yanıb. Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, yanğın zamanı avtomobilin mühərrik hissəsi və salonun üzlük hissəsi sıradan çıxıb.
Avtomobilin qalan hissəsi yanğından mühafizə olunub. Yanğın saat 08:50-də yanğınsöndürənlər tərəfindən söndürülüb.