Polşa millisinin və "Barselona"nın futbolçusu Robert Levandovski Qətərdə keçiriləcək dünya çempionatındakı favoritini açıqlayıb.

Metbuat.az xəbər verir ki, o, C qrupundakı rəqiblərindən olan Argentinanın mundialı qazanmağa ən böyük namizəd olduğunu deyib:

"Argentina qrupumuzun deyil, mundialın favoritidir. Kapitan Lionel Messi çox yaxşı vəziyyətdədir. "Barselona"nın əfsanəsinə çevrildi və PSJ ilə möhtəşəm mövsüm keçirir. Kimə qarşı oynamaq məcburiyyətində olduğumuzu bilirik".

Qeyd edək ki, Polşa sabah start götürəcək mundialın C qrupunda Meksika, Argentina və Səudiyyə Ərəbistanı ilə mübarizə aparacaq.