Bakı, 19 yanvar, Elvira Məmmədova, AzərTAc
Azərbaycan Milli Elmlər Akademiyasının (AMEA) Geologiya və Geofizika İnstitutunda (GGİ) 20 Yanvar faciəsinin 25-ci ildönümünə həsr olunmuş tədbir keçirilib.
AzərTAc xəbər verir ki, anma mərasimində əvvəlcə şəhidlərin əziz xatirəsi bir dəqiqəlik sükutla yad edilib.
İnstitutun şöbə müdiri Hikmət Mahmudov çıxış edərək qanlı yanvar gecəsində milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulmasından, kütləvi terror nəticəsində yüzlərlə günahsız insanın qətlə yetirilməsindən və yaralanmasından, totalitar sovet rejiminin süqutu ərəfəsində onun cinayətkar mahiyyətindən söz açıb.
