Alman futbolçu Julian Draksler Qətərin "Əl Əhli" komandası ilə 2 illik müqavilə imzalayıb.
Metbuat.az xəbər verir ki, bu barədə klubdan açıqlama verilib. Bildirilir ki, PSJ-də çıxış edən 29 yaşlı futbolçu ilə 2 illik müqavilə imzalanıb. Məlumatda Draksklerin məvacibinin detalları ilə bağlı ətraflı açıqlama verilməyib.
Qeyd edək ki, ötən mövsüm "Benfika"ya icarəyə verilən Draksler bütün turnirlərdə 18 matçda meydana çıxıb və 2 qol vurub. Bundan əvvəl Qətərin “Əl Arabi” komandası PSJ-nin futbolçusu Marko Verrattini transfer edib.
