Vergilər Nazirliyi yanında yeni yaradılmış Bakı Vergilər Departamentinə rəisi təyin olunub. Lent.az-ın məlumatına görə, bu vəzifəyə 3-cü dərəcəli dövlət vergi xidməti müşaviri Habil Məmmədov təyin edilib. O, bundan əvvəl Vergilər Nazirliyi yanında Vergi Auditi Departamentinə rəhbərlik edirdi.
Xatırladaq ki, Vergilər Nazirliyində bir müddət öncə struktur dəyişikliyi həyata keçirilib. Vergi Auditi Departamenti ilə Bakı Şəhər Vergilər Departamenti birləşdirilib. Yeni qurum Bakı Vergilər Departamenti adı ilə fəaliyyət göstərir.
