Azərbaycan, Bakı, 19 yanvar /Trend/
Gümrüdə yaralanmış 6 aylıq Seryoja Avetisyan vəfat edib. Trend-in Novosti Armeniya-ya istinadən verdiyi xəbərə görə, məlumatı Ermənistanın Səhiyyə Nazirliyi təsdiqləyib.
Bir müddət əvvəl uşağın vəziyyətinin ağciyər, ürək və böyrək çatışmazlığı səbəbindən son dərəcə ağır olduğunu bildirmişdilər.
Qeyd edək ki, yanvarın 12-də səhər cinayətkar Gümrüdə Avetisyanlar ailəsinin altı üzvünü güllələyib. Qətlin törədilməsində Rusiya hərbi qulluqçusu Valeri Permyakov ittiham edilir.
Cinayətkar avtomatın açılmamasına görə 6 aylıq uşağı süngü ilə öldürməyə çalışıb.
Məqalə müəllifi ilə əlaqə ünvanı: agency@trend.az