Qax. Vüqar Heydərov - APA. Narkotik vasitələrin satışı ilə məşğul olan Qax şəhər sakini tutulub.
Qax Rayon Polis Şöbəsindən APA-nın Şəki-Zaqatala bürosuna verilən məlumata görə, Qax RPŞ-nin əməkdaşları rayon ərazisində narkotik vasitələrin qanunsuz dövriyyəsi ilə məşğul olan şəxslərin tapılaraq istintaqa təhvil edilməsi istiqamətində axtarış-əməliyyat tədbiri keçirib.
Tədbir nəticəsində Qax şəhər sakini, 1976-cı il təvəllüdlü, Elşad Mübariz oğlu Həsənov 415 qram qurudulmuş marixuananı Qax şəhərində fəaliyyət göstərən kafelərin birində şərti alıcıya 100 manata satarkən tutulub.
Faktla bağlı Qax RPŞ-də cinayət işi başlanıb, araşdırma aparılır.