Gəncə, 20 yanvar, AzərTAc
Hazırda Gəncə Şəhər Məşğulluq Mərkəzində 3002 nəfər işsiz qeydiyyatdadır. Onlardan 91 nəfərinə işsizlik müavinəti verilir.
Mərkəzin direktoru Abil Tağıyev AzərTAc-a bildirib ki, açılan yeni müəssisələr hesabına, eləcə də tez-tez keçirilən əmək yarmarkaları nəticəsində işsizlərin sayı nəzərəçarpacaq dərəcədə azalıb. Təkcə keçən il keçirilən əmək yarmarkalarında müxtəlif idarə, təşkilat və müəssisələr tərəfindən işaxtaran vətəndaşlara ümumilikdə 400-dən artıq iş yeri təqdim edilib və onlardan 375 nəfəri işlə təmin olunub. İş yerlərində əmək haqqı 150-600 manat məbləğində olub.