Ağdam, 20 yanvar, Tahir Ağaməmmədov, AzərTAc
Yanvarın 20-də Ağdam rayonundakı “Şəhidlər” abidə kompleksini ziyarət edənlər arasında Vətənimizin keşiyində duran hərbiçilər də var idi.
Cəbhə xəttində xidmət edən “N” saylı hərbi hissənin əsgəri İlkin Azadəli AzərTAc-a müsahibəsində bildirib ki, dövlət müstəqilliyimiz şəhidlərimizin qanı və canı bahasına qazanılıb. Bu yolda minlərlə həmvətənimiz şəhid olub. Azərbaycanın dövlət müstəqilliyini və ərazi bütövlüyünü qorumaq biz gənclərin öhdəsinə düşür. Biz bu azadlığı, müstəqilliyi qoruyub saxlamaq və möhkəmləndirmək üçün əlimizdən gələn hər şeyi etməliyik.