Bakı, 20 yanvar, İbrahim Əsədov, AzərTAc
Şəhidlər ölməzdirlər, onların xatirəsi əbədiyaşardır. Şəhidlərin əziz xatirəsini yad etmək müqəddəs borcumuzdur.
Bu sözləri Şəhidlər xiyabanını ziyarətə gələn, Bakıdakı 300 nömrəli məktəbin şagirdi Hüseyn Həsənov AzərTAc-a müsahibəsində vurğulayıb.
H.Həsənov 20 Yanvarın qan yaddaşımızdan heç vaxt silinməyəcəyini bildirib. O deyib: “20 Yanvar xalqımızın əyilməzliyini, haqq yolundan dönməzliyini bir daha dünyaya nümayiş etdirib. Bu gün biz müstəqil Azərbaycanın vətəndaşı olmağımızla fəxr edir, sonsuz qürur hissi keçiririk”.