Bakı, 20 yanvar, AzərTAc
Qanlı Yanvar hadisəsindən 25 il keçməsinə baxmayaraq bu gün də Azərbaycan xalqı azadlıq uğrunda canlarını qurban verən şəhidlərimizin qəhrəmanlıq mübarizəsini çox böyük hörmət və ehtiramla əziz tutur, onların igidliyini yüksək qiymətləndirir. Bu gün xalqımız kütləvi şəkildə Şəhidlər xiyabanına gələrək qəhrəman Vətən övladlarının xatirəsini yad edirlər.
Bu sözləri politoloq Rövşən İbrahimov AzərTAc-a müsahibəsində söyləyib.
R.İbrahimov deyib ki, 20 Yanvar yaxın tariximizin fəxr ediləsi səhifəsidir. Bu gün hüzn günü olmaqla yanaşı, qürur hissi ilə yad edilməlidir. Çünki həmin gecə həlak olan insanlar ən yüksək mərtəbəyə - şəhidlik zirvəsinə ucalıblar.
