Bakı, 21 yanvar, AzərTAc
Tələbə Qəbulu üzrə Dövlət Komissiyası (TQDK) Şirvan regional bölməsinin təşkilatçılığı ilə 2014-cü ildə ali təhsil müəssisələrinə keçirilmiş qəbul imtahanlarında tarix fənnindən istifadə edilmiş test tapşırıqlarının və yeni təhsil proqramı (kurikulum) əsasında hazırlanmış 7-ci siniflər üçün “Azərbaycan tarixi” və “Ümumi tarix” dərslik komplektlərinin Şirvan şəhərində müzakirəsini keçirib.
TQDK-dan AzərTAc-a bildiriblər ki, müzakirədə Şirvan şəhərinin, Hacıqabul, İmişli, Saatlı, Sabirabad, Salyan və Neftçala rayonlarının tam orta məktəblərinin müvafiq fənn müəllimləri və metodistlər iştirak ediblər.
TQDK-nın şöbə müdiri Afiqə Batıyeva təmsil etdiyi qurum tərəfindən qəbul imtahanlarında istifadə edilmiş test tapşırıqlarının formaları və yeni təhsil proqramları (kurikulum) əsasında hazırlanmış 7-ci sinif dərslik komplektlərinin təhlili ilə bağlı görülən işlər barədə məlumat verib.
Yeni təhsil proqramı (kurikulum) əsasında hazırlanmış 7-ci sinif “Azərbaycan tarixi” və “Ümumi tarix” dərslik komplektlərinin monitorinqinə dair ilkin rəy təqdim edilib.
Çıxış edən müəllimlər fikirlərini bildirib, təkliflərini veriblər.
Sonra suallar cavablandırılıb.
Seminar “Dərslik portalı”nda canlı yayımlanıb.
