Kiyev vilayətinin erməni milis rəisinə azərbaycanlı müavin təyin olunub

17:07 21 Yanvar 2015
94 Ölkə
Ölkə mətbuatı
A- A+

[ 21 Yanvar 2015 17:01 ]

Bakı. Mübariz Aslanov – APA. Ukrayna Daxili İşlər Nazirliyinin Kiyev vilayəti üzrə maddi-texniki təchizat və resurs təminatı üzrə idarəsinin rəisi, vilayət milisinin rəis müavini vəzifəsinə azərbaycanlı təyin olunub.

Azərbaycanın Ukraynadakı səfirliyindən APA-ya verilən məlumata görə, bu, milis polkovniki Qarayev Elbrus Qələndər oğludur.

 

E. Qarayev APA-ya açıqlamasında 1968-ci ildə Azərbaycanın Tovuz rayonunun Qaraxanlı kəndində anadan olduğunu deyib: “1986-88-ci illərdə sovet ordusunun Kiyevdə yerləşən hərbi hissəsində xidmət keçdikdən sonra burada İnşaat Mühəndisləri İnstitutunu, daha sonra isə Ukrayna Milis Akademiyasını bitirmişəm. Uzun müddət “Berkut” xüsusi təyinatlı milis dəstəsində, sonra mühafizə milisində rəhbər vəzifələrdə çalışmışam. Hazırkı vəzifəm vilayət milis rəisinin müavini səviyyəsində olsa da, birbaşa idarəmizin tabe olduğu nazirliyin baş idarə rəisinə məruzə edirəm. Vəzifəm Kiyev vilayəti üzrə bütün milis orqanlarının maddi-texniki təchizatını əhatə edir”.

 

Kiyev vilayətinin milis rəisinin milliyətcə erməni (polkovnik-leytenant Vadim Troyan) olmasına münasibət bildirən E. Qarayev qeyd edib ki, onunla münasibətlərində heç bir problem yoxdur: “Heç onun erməni olması yada düşmür”.

 

Azərbaycanlı polkovnik Ukraynadakı Azərbaycan diasporu ilə sıx əlaqəsi olduğunu da əlavə edib.

 

Xatırladaq ki, Ukraynanın daxili işlər naziri Arsen Avakov da miliyyətcə ermənidir.


Xəbərin orijinal ünvanı: http://az.apa.az/news/369838

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR