Bakı, 21 yanvar, AzərTAc
Hazırda Əfqanıstanda və İraqda 15 min nəfərdən az Amerika əsgəri qalıb. Bu barədə ABŞ Prezidenti Barak Obama yanvarın 20-də “Ölkədə vəziyyət haqqında” Konqresin hər iki palatasına ünvanlanan məruzəsində məlumat verib.
AzərTAc TASS informasiya agentliyinə istinadla xəbər verir ki, ABŞ-ın Əfqanıstandakı missiyasının başa çatdığını deyən Barak Obama altı il bundan əvvəl hər iki ölkədə təxminən 180 min amerikalı hərbçinin dislokasiya olunduğunu, hazırda isə orada 15 mindən də az əsgər və zabitin qaldığını qeyd edib.
