Ukrayna prezidenti Pyotr Poroşenko Davos forumunda çıxış edərkən Volnovaxada separatçılar tərəfindən gülləbaran edilən avtobusun parçasını göstərib.
ANS PRESS-in məlumatına görə, ölkə başçısı bunu "terrorizmin simvolu" adlandırıb.
"Mən bura Volnovaxada vurulan avtobusun hissəsini gətirdim, bu terrorizmin simvoludur. Terrorizm - bu Ukraynanın və ya Avropanın problemi deyil, bu qlobal problemdir. Biz terrorizmin öhdəsindən gələcəyik, çünki biz vahidik", - deyə Poroşenko bildirib.
Qeyd edək ki, yanvarın 13-də Volnovaxa şəhəri yaxınlıqda Buqas blokpostunun yanında sərnişin avtobusu rusiyameyilli separatçıların atəşi altına düşüb. Hadisə zamanı 10 nəfər həlak olub, daha 18 nəfər yaralanıb.
Yaralılardan ikisi sonra xəstəxanada ölüb.
Mənbə
ANS PRESS