Bakı, 21 yanvar, AzərTAc
Bakının “Neftçi” futbol komandası Antalyadakı təlim-məşq toplanışı çərçivəsində yanvarın 22-də dördüncü yoxlama oyununu keçirib.
AzərTAc xəbər verir ki, Ukraynanın “Volın” klubu ilə qarşılaşan komandamız rəqibini 4:3 hesablı ilə məğlub edib.
Azərbaycan təmsilçisinin heyətində Denis Silva, Karlos Kardozo, Ruslan Qurbanov və Ernest Nfor fərqləniblər.
Qeyd edək ki, “Neftçi” bundan əvvəl Səudiyyə Ərəbistanının təmsilçisi “Hajer”ə 3:1 hesabı ilə qalib gəlmiş, Türkiyənin “Ərciyyəspor” komandası ilə qolsuz heç-heçə etmişdi. Komanda Türkiyənin “Elazığspor” kollektivinə minimal hesabla uduzmuşdu.