Bakı parklarından birində Yeni il münasibətilə qurulan yolkalardan biri yanıb.
ANS PRESS-in məlumatına görə, ANS TV-nin “Xəbər sizsiniz” proqramının aparıcısı Murad Əzimzadə “Facebook” sosial şəbəkəsindəki şəxsi hesabında Binəqədi rayonu ərazisindəki parklardan birində Yeni il qabağı bəzədilən küknar ağacının yanması barədə xəbər yayıb.
“Biləcəridə parkda yolka yanır! 2014-cü il heç yolkaya da düşməyib. Yanğın indi baş verib! Şaxta babanın qarlı dağları aşmağını gözləyək, gəlib bu yolkanı söndürsün”, deyə teleaparıcı bildirib.