Gəncə. Azər Məmmədli - APA. Gəncədə piyadanın vurulması ilə nəticələnən yol-nəqliyyat hadisəsi baş verib.
APA-nın qərb bürosunun verdiyi məlumata görə, hadisə ötən gecə Gəncə-Şəmkir yolunun 1-ci kilometrliyində, “Farfor” zavodunun qarşısında baş verib.
Yolu keçmək istəyən Göygöl rayonunun Quşqara kənd sakini, 1998-ci il təvəllüdlü İsmət Nemət oğlu Zeynalov Gəncə şəhər sakini, 1995-ci il təvəllüdlü Sadiq İlham oğlu Verdiyevin idarə etdiyi “VAZ-2107” markalı avtomobil tərəfindən vurulub. Yaralı dərhal Gəncə şəhər Təcili Tibbi Yardım Xəstəxanasına çatdırılıb. Onun vəziyyətinin normal olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.