Donetsk aeroportunda şiddətli döyüşlər davam edir

Donetsk aeroportunda şiddətli döyüşlər davam edir
12:09 22 Yanvar 2015
82 Dünya
Ölkə mətbuatı
A- A+

Ukrayna Müdafiə Nazirliyi ordunun Donetsk havalimanını tərk etməsi barədə məlumatları təkzib edib. APA-nın “112.ua” saytına istinadən verdiyi xəbərə görə, nazirlik aeroport ətrafında şiddətli döyüşlərin davam etdiyini açıqlayıb: “Bəzi binalar və hava limanı ərazisinin bir hissəsi Ukrayna hərbçilərinin nəzarətində qalır”.

 

Açıqlamada bildirilir ki, yanvarın 21-də 20 Ukrayna əsgəri terminalı tərk edib, çünki onlar mövqelərinin dağıdılması nəticəsində açıq atəş altında qalıblar. Nazirlik aeroport ərazisində son sutka ərzində 6 hərbçinin həlak olduğunu bildirib. Bundan başqa, 16 yaralı əsgər separatçılara əsir düşüb.

 

Qeyd edək ki, Donetsk hava limanı ətrafındakı bir neçə kənd Ukrayna ordusunun tam nəzarətindədir. 


Xəbərin orijinal ünvanı: http://news.lent.az/news/191096

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR