Bakı, 22 yanvar, AzərTAc
Bakı Şəhər Baş Polis İdarəsinin (BŞBPİ) narkotiklə mübarizə idarəsi əməkdaşlarının keçirdikləri əməliyyat-axtarış tədbirləri nəticəsində narkotiklərin qanunsuz dövriyyəsində şübhəli bilinən paytaxt sakini, əvvəllər məhkum olunan İlqar Səmədovda 101,71 qram heroin aşkar olunaraq götürülüb.
BŞBPİ-nin mətbuat xidmətindən AzərTAc-a bildiriblər ki, narkotiklərin qanunsuz dövriyyəsində şübhəli bilinən Bakı sakini Mehman Quliyevdə isə Xəzər Rayon Polis İdarəsinin əməkdaşları tərəfindən 420 qram qurudulmuş marixuana aşkarlanaraq götürülüb.