Bakı, 22 yanvar, AzərTAc
Daxili işlər orqanlarının əməkdaşları narkotik maddələrin qanunsuz satışı və dövriyyəsinə qarşı mübarizəni qətiyyətlə davam etdirirlər.
Daxili İşlər Nazirliyinin mətbuat xidmətindən AzərTAc-a bildiriblər ki, Nəqliyyatda Baş Polis İdarəsi əməkdaşlarının keçirdikləri əməliyyat-axtarış tədbirləri nəticəsində Astara şəhər sakini Rəşad Camalovdan 2 kiloqram 860 qram heroin və 1 kiloqram 900 qram tiryək götürülüb.
Faktla bağlı cinayət işi açılıb, araşdırma aparılır.
