Bakı, 22 yanvar, AzərTAc
Bakı Dövlət Universitetində (BDU) TEMPUS layihəsi çərçivəsində FLEPP (Peşəkar Məqsədlər üçün Xarici Dillərin Tədrisi) təlimləri başlanıb.
Universitetdən AzərTAc-a bildiriblər ki, təlimdə BDU-nun xarici tələbələrlə iş üzrə dekanı, TEMPUS-FLEPP layihəsinin bu ali məktəb üzrə əlaqələndiricisi Gülheyran Rəhimova layihə barədə məlumat verib. Bildirilib ki, təlimdə BDU-nun humanitar və təbiət fakültələri üzrə ingilis dili kafedralarının müəllimləri iştirak edirlər.
Azərbaycan Dillər Universitetinin təlimdə innovasiyalar kafedrasının baş müəllimi Nərgiz Əliyevanın apardığı təlimlər yanvarın 24-dək davam edəcək.
