Paris yaxınlığındakı Monruj yaşayış qəsəbəsində bir polisi və Vənsən darvazasında beş nəfəri qətlə yetirən terrorçu Amedi Kulibalinin nəşi dəfn olunmaq üçün yanvarın 22-də təyyarə ilə vətəni Maliyə yola salınmalı idi.
ANS PRESS-in məlumatına görə, son anda Mali rəsmiləri onun ölkəyə gətirilib dəfn olunmasını rədd ediblər. Terrorçunun meyiti təkrarən tibbi-ekspertiza məntəqəsinə qaytarılıb.
Fransa qanunlarına görə, terrorçunun yaxınları onun xüsusi məzarlıqda dəfn olunması üçün yaşadığı meriyaya müraciət etməli idi.
Mali rəsmilərinin rədd cavabının səbəbi hələlik açıqlanmayıb. Mənbə
ANS PRESS