Roma Papası 1-ci Fransiskin Ekvadora rəsmi səfəri davam edir. Dünən o, paytaxt Kitoda ikinci messa keçirib.
Milli.Az Daily Mail-ə istinadən bildirir ki, ibadətə təqribən 1 milyon ekvadorlu katolik yığışmışdı.
Onlar messanın keçirildiyi İki Əsr Parkına (Bicentennial Park) qızılgül dəstələri, Fransiskin şəkillərini və xaçlar gətirmişdilər.
Papanın yerli katoliklərə müraciəti 18 dəqiqə davam edib və dəfələrlə gurultulu alqışlarla müşayiət olunub.
Təntənəli ibadətdə Ekvador prezidenti Rafael Korrea da iştirak edib.
Papa 1-ci Fransisk katolikləri təşəxxüs və təkəbbürdən uzaq durmağa, vəhdət və birlik uğrunda bütün səviyyələrdə mübarizə aparmağa çağırıb.
Dünya katoliklərinin lideri messanı yerli hinduların dili olan keçuada da oxuyub.
Milli.Az
