[ 23 Yanvar 2015 12:09 ]
Bakı. Hafiz Heydərov – APA. Bakıda ölümlə nəticələnən yanğın hadisəsi baş verib .
APA-nın Fövqəladə Hallar Nazirliyinin saytına istinadən verdiyi məlumata görə, hadisə Bakı şəhərinin Qaradağ rayonunda qeydə alınıb. İkimərtəbəli binanın zirzəmisində 1 ədəd döşək yanıb. Yanğınsöndürənlər tərəfindən yanğın yerinin kəşfiyyatı zamanı yanmış kişi meyiti aşkar olunub.
Qaradağ rayon Polis İdarəsindən APA-ya bildirilib ki, yanaraq ölən şəxs tüfeyli həyat tərzi keçirirmiş. Onun şəxsiyyətini müəyyənləşdirmək hələlik mümkün olmayıb.
