Bakı, 23 yanvar, AzərTAc
Azərbaycan Milli Elmlər Akademiyası (AMEA) Milli Azərbaycan Tarixi Muzeyinin xüsusi fonduna qızıldan olan otuz ədəd ( 16 saxlanma vahidi) material təhvil verilib.
AMEA-dan AzərTAc-a bildiriblər ki, bu materiallar AMEA-nın Arxeologiya və Etnoqrafiya İnstitutu tərəfindən Azərbaycan ərazisində arxeoloji qazıntılar zamanı Masallı, Ağstafa, Tovuz, Goranboy, İsmayıllı və Oğuz rayonlarında aşkar edilib.
Arxeoloji əşyalardan ən qədimləri Oğuz rayonunun kurqan qəbirlərindən tapılıb. Tapıntıların yaşı dörd min ildən artıqdır.